“МАХН-ын төв байр” зураг оны шилдгээр шалгарлаа

Гэрэл зургийн “Гамма” агентлагаас зохион байгуулдаг нэрт гэрэл зурагчин Ц.Батзориг агсны нэрэмжит “Оны шилдэг гэрэл зураг-2009” уралдааны шилдгүүд өнөөдөр тодорлоо. Тус уралдааныг энэ жил найм дахь удаагаа зохион байгуулж байгаа бөгөөд энэ удаагийн уралдаанд ирүүлсэн нийт 900 гаруй гэрэл зургаас шилдгүүдийг тодруулсан байна.

Ц.Батзориг агсны нэрэмжит шилдэг гэрэл зураг шалгаруулах уралдааны номинаци тус бүрт тэргүүлсэн бүтээлийг танилцуулъя.

-Хамгаалал хүссэн хүүхэд сэдэв:
Гэрэл зурагчин Э.Харцага. “Хүчирхийлэлд өртөж буй аврал эрсэн охин”.

-Чөлөөт сэдэв:
Гэрэл зурагчин Б.Амар. “Эцсийн зогсоол”.

-Хошин шогийн мэдрэмжтэй зурагчны шагнал:
Гэрэл зурагчин Н.Тэмүүжин. “Баригдана даа, баригдана”.

-Хүмүүс, хөрөг, гэр бүл:
Гэрэл зурагчин П.Ганбаяр. “Танилын хөрөг”

-Монгол омогшил-МУГЖ Д.Сосорбарамын нэрэмжит шагнал:
Гэрэл зурагчин Ч.Батзориг. “Говийн шөнө”.

-Байгаль, хүрээлэн буй орчин:
Гэрэл зурагчин Л.Мөнхөө. “Хоолондоо”.

-Спорт сэдэвт гэрэл зураг:
Гэрэл зурагчин Ж.Батбаатар. “Цохилт”.

-Олны таашаалд нийцсэн гэрэл зураг:
Гэрэл зурагчин Т.Бямба-Очир “МАХН-ын төв байр”.

-Оны үйл явдал, аж амьдрал:
Гэрэл зурагчин Ү.Одбаяр. “Цаазын ял”.

-Гранпри буюу оны шилдэг гэрэл зураг:
Гэрэл зурагчин Т.Бямба-Очир “МАХН-ын төв байр”бүтээлээр тус тус оны шилдэг гэрэл зургийн шагнал хүртлээ.

М.Дөлгөөн: “МАХН-ын төв байр” зураг оны шилдгээр шалгарлаа