Улаанбаатарын маань хойдхонд орших
Мөнхийн зовлонгийн үүр болсон
Мөрдөнгийн өрөөний зовлонг тоочьё
Шалнаас ялгаагүй модон наар
Шавхруунаас дээргүй шорон хоол
Гол нь түүхий хатсан талх
Гомдол мэдүүлсэн шаналсан сэтгэл
Дөрвөн талдаа манааны цамхагтай
Дөрвөлжин хашаандаа наралгааны талбартай
Хоригдолтойгоо адил шорон санаатай
Холхих ажилтай жижүүр хуягтай
Өвчин хамаардгүй хуурамч эмчтэй
Өвдөлт намдаадгүй ялзарсан эмтэй
Өөх нүнжиггүй усан хоолтой
Өлөн бар шиг хурц төлөөлөгчтэй
Цагаан бар гэж нэргүй цолтой
Цаанаа л сүржин шуурхай албатай
Цагийн хувиараа яс барьдаггүй
Царай муутай хоригдол цэвктэй
Өрөөний байгуулалт маш тэнэг
Өргөөшөө уртаашаа яг ижил
Өнжөөд л нэг нэгжлэг явна
Өрөөлийн өмчийг газраар цацна
Энд орсон л бол чи хүн биш
Эгцэлж хүнрүү хараад ч хэрэггүй
Эр хүний чансаа шалгасан
Эрүүгийн ертөнцийн эхний шат
Энд чи:
Явах эрхтэй ч гарах эрхгүй
Ярих эрхтэй ч хэрэлдэх эрхгүй
Идэх эрхтэй ч голох эрхгүй
Итгэх эрхтэй ч уулзах эрхгүй
Уйлах эрхтэй ч дуулах эрхгүй
Унтах эрхтэй ч унших эрхгүй
Өртэй хүн өр нэхэхгүй
Өштэй хүн өрсөөд алчихгүй
Бэлэн хоотой бие хамгаалагчтай
Бэрх газрын давуу тал нь
Буутай харуулд нүд цавчилгүй харуулна
Бурханы аварлаар хоёр эргэлт авна
Мэдээллийн эх сурвалж:
(7-p сарын 1-ний үймээнийхэнд зориулав ) Зовлон үзсэн тэнгэрлэг хөвгүүдэд зориулав.
No comments:
Post a Comment