OpenOffice.org-н монгол хуудсанд тавтай морилно уу.

Монгол хэлээр ярьдаг, дэлхийн өнцөг булан бүрт суугаа та бүхэнд зориулж Openoffice.org албан бичгийн програмын багцыг (http://www.openmn.org/) ОпенМН холбооны залуучууд монголчилсон байна.
Монголчилох гэдэг ойлголтын доор зөвхөн хэрэглэгчийн гадаргууг орчуулах бус мөн тусламжийг орчуулж, янз бүрийн баримт гарын авлага бэлтгэнэ. Мөн энэхүү гайхалтай програмд үндэсний монгол бичгээр бичих боломжийг нэмэх, зөв бичгийн дүрмийн толь, тайлбар толь бэлтгэх гээд олон техникийн өөрчлөлтүүдийг эх кодонд нь оруулж байна. Одоогоор 2.4 хувилбарт монгол бичгээр бичих боломжийг нэмсэн байгаа ба алдаа мадгийг засаж эх кодын модонд оруулснаар цааш 3.1 болон түүнээс хойшхи хувилбарт бүрэн дэмжигдээд явах төлөвтэй байна. Одоогоор хэрэглэгчийн гадаргуун кодыг орчуулж бараг дуусгасан бөгөөд шалгах, алдаа засах, сайжруулах ажил хэдийнээ эхлээд байгаа аж.
Энэхүү ажлын зарим хэсэгийн дэлгэцийн агшинуудыг ОпенМН холбооны галерей булангаас та бүхэн олж үзэж болно. Энэхүү монголчлох багт орж ажиллаж байгаа нийт залуучууддаа талархал илэрхийлье!
Хэрэв та энэ үйлсэд хамтран зүтгэхийг хүсэж байвал эхлээд энэ гарын авлагыг уншаарай.
Монголын багийн хаяг: http://mn.openoffice.org
Програмыг татаж авах хаяг: http://mn.openoffice.org/about-downloads.html

НҮБ-ын Хүний эрхийн дээд комиссарын газраас албан бичиг ирүүлжээ

Монгол Улсаас суугаа НҮБ-ын Онц бөгөөд Бүрэн эрхт Элчин сайд, эрхэмсэг ноёнтон Данзанноровын Болд­­баатар танаа

Женев хот.

2008 оны наймдугаар сарын 19

Эрхэмсэг танаа,

Энэхүү захидлаар бид Ерөнхий Ассамблейн 60/252 дугаар тогтоол, Хүний эрхийн зөвлөлийн 7/36, 8/8 дугаар шийдвэрүүдээс тохоогдсон үг хэлэх, үзэл бодлоо чөлөө­тэй илэрхийлэх эрхийг хам­гаалан бэхжүүлэх асуудал хариуц­сан тусгай төлөөлөгч, эрүү­дэн шүүх болон бусад хүнлэг бус шийтгэлийн эсрэг ажил­лах тусгай төлөөлөгчийн хувиар тус тус танд хандаж байгаадаа баяртай байна.

Үүнтэй холбогдуулан бид танай Засгийн газрын анхаа­ралд өөрсдийн хүлээн авсан 2008 оны долдугаар сарын 1-ний өдөр Засгийн газраас хэрэгжүүл­сэн онц байдалтай холбог­дуу­лан таван хүний амь нас хөнөөгдсөн тухай мэдээллийг хүргэхийг хүсч байна.

Бидний авсан мэдээл­лээр: 2008 оны долдугаар сарын 1-нд 700 орчим хүн баривчлагдаж, Улаанбаатарт болсон сонгуулийн дараахь жагсаал цуглааны үеэр олон хүн гэмтэж бэртсэн байна. Сонгууль будлиантай болсон гэх шалтгаанааас үүдэн нийс­­­­лэлд үүсээд бай­сан эмх замбараагүй байдлыг нам­жаах зорилгоор Засгийн газ­раас дөрөв хоног онц бай­дал зарласан байна.




Цагдаа­гийнхан цугларсан хүмүүсийг тараахын тулд нулимс ас­гаруу­лагч хий, резин сум, усаар шүрших аргуудыг хэ­рэг­лэжээ. Зарим мэдээлэлд дурдсанаар үүнээс үүдэн хэд хэдэн хүн нүдний гэмтэл авч, зарим нь хараагүй болсон байна. Онц байдал зарласны дараа ямар арга хэмжээ авах гэж байгаа тухайгаа нийт хүмүүст болон ялангуяа ту­хайн үед гудамжинд байсан хүмүүст хангалттай мэдээ­лэл өгөөгүй байна.

Долдугаар сарын 2-ны эхний цагуудад таван хүнийг Улаанбаатар хотын төв гу­дам­жинд, гол жагсаал цуглаан болсон газраас холгүй буудан хороожээ. Мэдээллүүдэд дурдсанаар тэд буудуу­ла­хаасаа өмнө зодуулж хүндээр гэмтсэн байсан байна. Энэ хэрэгтэй холбогдуулан албан ёсны цагдаагийн мөрдөн бай­цаах ажиллагаа эхлээд байгаа юм байна. Гэвч эцсийн үр дүнг олон нийтэд мэдээлээ­гүй байгаа ажээ.

Онц байдлын үеэр Мон­го­лын үндэсний олон ний­тийн радио телевизээс бусад бүх радио, телевизийг хаажээ.

Дээр дурдагдсан эдгээр үйл явдлууд нь Монголд хүн үзэл бодлоо чөлөөтэй илэр­хийлэх эрхэнд шууд халдах гэсэн оролдлогын жишээ болж байна хэмээн бид санаа зовж байна.

Хэдийгээр бид дээрх мэ­дээллийн үнэн зөв байдалд хэт итгэх буюу эсвэл үл итгэх гээгүй боловч бид Хүний эрхийн түгээмэл тунхагла­лын 19 дүгээр зүйл, Иргэний болон улс төрийн эрхийн олон ул­сын фактын 19 дүгээр зүйлд тус тус тусгагдсан "Хүн бүр үзэл бодлоо чөлөөтэй илэр­хийлэх эрхтэй, энэхүү эрхэнд бүх төрлийн мэдээл­лийг эх сурвалж хамаарах­гүйгээр амаар болон бичгээр, урла­гийн төрлөөр болон хэв­лэл мэдээллийн хүссэн хэ­рэгс­лээр дамжуулан эрж хайх, хүлээн авах, хуваалцах эрх­тэй" хэмээн заасныг удирд­лага болгон эрхэмсэг таны Засгийн газраас дээрх хү­мүү­сийн мэдээлэл авах, үг хэлэх, үзэл бодлоо чөлөөтэй илэрхийлэх эрхийг баталгаа­тай хангаж өгөхийн төлөө шаардлагатай бүх арга хэм­жээг авч өгнө үү гэж хүсье.

Мөн эрхэмсэг танай Зас­гийн газар иргэний болон улс төрийн эрхийн олон улсын пактын 21 дүгээр зүйлд "Тай­ван жагсаал цуглаан хийх эрхийг баталгаатай хангах ёстой. Энэхүү эрхийг эдлэхэд хуулиар тогтоосноос өөр бо­лон ардчилсан улс оронд аюулгүй байдлаа хамгаалах, олон нийтийн тайван байдлыг хангах, эмх замбараа бий болгох, нийтийн эрүүл мэн­дийг хамгаалах, бусдын эрх, эрх чөлөөг хамгаалах шалт­гаа­наас өөр хязгаарлалт байж болохгүй" гэж заасан тайван жагсаал цуглаан хийх эрхийг хангахын төлөө бүхий л шаард­­­лагатай арга хэмжээг авч өгөхийг хүсч байна.

Түүнчлэн танай засгийн газраас дээр нэр нь дурдагд­сан хүмүүст тохиолдсон хэр­гийн талаар тодруулга авахыг хүсч байна. Засгийн газар бүр өөрийн орны бүх хүмүүсийн бие болон оюуны хувьд бү­рэн бүтэн байх эрхийг хам­гаа­лах үүрэгтэй гэдгийг цохон тэмдэглэж байна. Энэхүү эрх нь Хүний эрхийн түгээмэл тунхаглал, Иргэний болон улс төрийн эрхийн олон улсын факт, Эрүүдэн шүүх болон бусад хэлбэрийн хүнлэг бус шийтгэлийн эсрэг олон улсын конвенцид тусгалаа олсон билээ.

Бид бас танай Засгийн газрын анхаарлыг Хүний эр­хийн зөвлөлийн 8/8 дугаар шийдвэрт хандуулахыг хүсч байна. Уг шийдвэрийн дагуу "бүх төрлийн залхаан цээр­лүү­лэлт, эрүүдэн шүүлт бо­лон бусад хэлбэрээр хүнийг доромжлох, хүнлэг бусаар харьцахыг буруушаах бөгөөд ийм байдлаар шийтгэхийг хориглох ёстой ба, ийм байд­лаар хэрэг шийтгэхийг хэзээ ч зөвтгөж болохгүй гэдгийг бүх Засгийн газруудад уриал­сугай" гэсэн байгаа.

Бид танай Засгийн газрыг дээр дурдсан хүмүүсийн эрх, эрх чөлөөг хүндэтгэж батал­гаажуулан, тэдний эрхийг зөрчсөн бүх хүмүүсийг ил тод болгоход шаардлагатай бүх арга хэмжээ авахыг уриалж байна.

Үүнээс гадна, Хүний эр­хийн зөвлөлөөс бидэнд хү­лээлгэсэн мандатын эрхийн дагуу бидний анхааралд толи­луулсан хэргийн талаарх бүх мэдээллийг нарийвчлан тод­руулах үүрэгтэй билээ. Бид энэхүү хэргийн талаар Хүний эрхийн зөвлөлд тайлан хүр­гүүлэх ёстой тул, дараахь асуудлыг тодруулахад хамт­ран ажиллана уу гэж танаас хүсч байна. Үүнд:

1.Дээр дурдсан мэдээ­лэлд дурдсан баримтууд үнэн үү?

2.Дээр дурдсан хохи­рогчид болон тэдний аль нэгнийг төлөөлсөн хүмүү­сээс гомдол гарсан уу?

3.Энэ хэрэгтэй хол­бог­дуулан ямар нэг хуулийн мөрдөн шалгалт, эсвэл эрүү­гийн хэрэг, эмнэлгийн үзлэг, болон бусад шалгалтуудыг явуулсан бол тэдгээрийн тухай нарийвчилсан мэдээ­лэл, хэрэв үр дүн гарсан бол тухайн мэдээллийг бидэнд ирүүлнэ үү.

4.Энэ хэрэгтэй холбог­дуулан төрийн албан хаагч­дын авсан арга хэмжээ Иргэ­ний болон Улс төрийн эрхийн олон улсын пактад дурдсан үзэл бодлоо чөлөөтэй илэр­хий­лэх эрх, тайван жагсаал цуглаан хийх эрхтэй хол­боотой олон улсын хэм хэм­жээ, стандарттай хэрхэн нийц­­­­­­­­сэн талаарх нарийв­чил­сан мэдээллийг ирүүлнэ үү.

Хариуг 60 хоногийн дотор ирүүлэхийг хүсье. Таны Зас­гийн газраас энэхүү асуултад ирүүлсэн хариултыг үнэн зөвөөр тусган тайлангаа бэлт­­­гэж Хүний эрхийн зөв­лөлд оруулна гэдгээ мэ­дэгдье.

Таныг хүндэтгэн ёсолсон,

Франк Ла Руй-Үг хэ­лэх, үзэл бодлоо чөлөөтэй илэр­хийлэх эрхийг хам­гаалан бэхжүүлэх асуу­дал хариуцсан тусгай төлөө­лөгч.

Манфред Новак-Эрүү­дэн шүүх болон бу­сад хүн­лэг бус шийтгэлийн эсрэг ажиллах тусгай төлөө­лөгч.