“Долдугаар сарын 1” киноны уран бүтээлчид мэдээлэл хийлээ

Долдугаар сарын 1-ний өдөр болсон үймээнээс сэдэвлэн бүтээсэн нэгэн кино ирэх гуравдугаар сард дэлгэцнээ гарах гэж байна. Энэ талаар өнөөдөр уг киноны уран бүтээлчид мэдээлэл хийлээ. “Долдугаар сарын 1” нэртэй уран сайхны кинонд тэр өдөр баривчлагдсан энгийн нэгэн залуугийн амьдралын тухай өгүүлэх ажээ. “Скин энтертайнмент”-ын найруулагч Б.Анар, продюсер Д.Онон нарын ярьснаар энэхүү бүтээл нь долдугаар сарын 1-ний үймээнийг эргэн сануулж, сөхөхийг гол зорилгоо болгоогүй, харин тэр үймээний улмаас жирийн иргэд хэрхэн хохирсон тухай бодит байдлаас сэдэвлэн харуулахыг хүссэн байна.